LA RONDELO PRI L’ AŬGUSTAJ ROZOJ


Plu floras rozar’ de l’ ĝarden’,
Plu disas la bona odoro,
Similas al tiu de foro,
De l’ temp’ de l’ surtera eden’.
 
Mi tiam aspiris kun plen’
De l’ tero al stela fervoro.
Plu floras rozar' de l’ ĝarden’,
Plu disas la bona odoro.
 
Nur vane la vivo-kurten’
Falprovis sur mian fervoron:
Ridete, per vigla sinten’,
Regajnis mi l’ bonan humoron.
Plu floras rozar’ de l’ ĝarden'...

 

La ĉi-supra poemo aperis en Lucrări practice de esperanto-interlingvistică (Timişoara, 1979), p. 160
Verkis: Alexandru MACEDONSKI (1854-1920)
Tradukis: Constantin DOMINTE
Originala titolo: Rondelul rozelor de august