Sur la kampovojo
nun tri ĉaroj kunas,
la ĉaristoj fajron
bruligante fumas.
Diras la unua:
“Ni en urbo estis
pro la heredaĵo,
sed nenio restis.”
La alia: “Torĉon,
ĉerkon mi ekhavis,
mian solan filon
la forstitsto pafis.”
Jen la tria: “Miaj
bovoj du ŝatataj
pro imposto morgaŭ
estos aŭkciataj.”
Ekas jam la ĉaroj
sur la kampovojo,
kvazaŭ ŝtonŝarĝitaj
knaras kun malĝojo.
Bovoĉaro.
Pentraĵo de
Nicolae Grigorescu
(1838-1907)